ന്യൂയോര്ക്ക്: ലോകത്ത് കൊവിഡ് ബാധിതരുടെ എണ്ണം പതിനെട്ട് കോടി എണ്പത്തിയഞ്ച് ലക്ഷം പിന്നിട്ടു. വേള്ഡോമീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ അഞ്ച് ലക്ഷത്തോളം പേര്ക്കാണ് വൈറസ് ബാധ സ്ഥിരീകരിച്ചത്. മരണസംഖ്യ 40,65,184 ആയി ഉയര്ന്നു. പതിനേഴ് കോടി ഇരുപത്തിനാല് ലക്ഷം പേര് രോഗമുക്തി നേടി.
ഇന്ത്യയില് കഴിഞ്ഞ ദിവസം 31,443 പേര്ക്കാണ് കൊവിഡ് സ്ഥിരീകരിച്ചത്. നാലു മാസങ്ങള്ക്ക് ശേഷമുള്ള ഏറ്റവും കുറഞ്ഞ പ്രതിദിന വര്ദ്ധനയാണിത്. നിലവില് 4.31 ലക്ഷം പേരാണ് ചികിത്സയിലുള്ളത്. മരണസംഖ്യ 4.11 ലക്ഷം പിന്നിട്ടു. മൂന്ന് കോടി പേര് രോഗമുക്തി നേടി.
അമേരിക്ക മാത്രമാണ് രോഗികളുടെ എണ്ണത്തില് ഇന്ത്യയ്ക്ക് മുന്നിലുള്ളത്. യുഎസില് മൂന്ന് കോടി നാല്പത്തിയെട്ട് ലക്ഷം പേര്ക്കാണ് ഇതുവരെ വൈറസ് ബാധ സ്ഥിരീകരിച്ചത്. 6.23 ലക്ഷം പേര് മരിച്ചു.രണ്ട് കോടി തൊണ്ണൂറ്റിമൂന്ന് ലക്ഷം പേര് രോഗമുക്തി നേടി.