വിജയ് ആന്റണിയും ഗണേഷും ഒന്നിക്കുന്ന ആക്ഷന്‍ ചിത്രം തിമിരു പുടിച്ചവന്റെ മോഷന്‍ പോസ്റ്റര്‍ പുറത്തുവിട്ടു. ചിത്രത്തില്‍ പൊലീസ് ഓഫീസറുടെ വേഷത്തിലാണ് വിജയ് എത്തുന്നത്. ആദ്യമായാണ് വിജയ് ഈ വേഷം കൈകാര്യം ചെയ്യുന്നത്.
വിജയ് ആന്റണി ഫിലിം കോര്‍പ്പറേഷന്‍ തന്നെയാണ് ചിത്രം നിര്‍മ്മിക്കുന്നത്. സംഗീതവും വിജയ് തന്നെയാണ് കൈകാര്യം ചെയ്യുന്നത്. സംവിധായകരായ എസ് എസ് രാജമൗലിയുടെയും വിക്രമന്റേയും അസിസ്റ്റന്റ് ഡയറക്ടറായും ഗണേഷ പ്രവര്‍ത്തിച്ചിട്ടുണ്ട്. ചിത്രം ഈ വര്‍ഷം തന്നെ റിലീസ് ചെയ്യും.
കിരുതിഗ ഉദയനിധിയുടെ സൈക്കോളജിക്കല്‍ ത്രില്ലര്‍ കാലിയാണ് വിജയ്‌യുടെ അവസാന ചിത്രം. പ്രദീപുമൊത്തുള്ള തമിഴ് ചിത്രമാണ് വിജയ് ആന്റണിയുടേതായി പുറത്തിറങ്ങാനിരിക്കുന്നത്. അര്‍ജുന്‍ സര്‍ജയും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്.
