ഹ്യുണ്ടായിയുടെ ഏറ്റവും സ്റ്റൈലിഷ് വാഹനമാകാനൊരുങ്ങി ഐ20-യുടെ പുതുതലമുറ. അടുത്ത മാസം നടക്കുന്ന ജനീവ ഓട്ടോ ഷോയിലാണ് ഈ വാഹനത്തെ പ്രദര്‍ശിപ്പിക്കുക. അതോടൊപ്പം തന്നെ വാഹനത്തിന്റെ ചിത്രങ്ങളും പുറത്തുവിട്ടിട്ടുണ്ട്.
മുന്‍ മോഡലിനെ പൂര്‍ണമായും ഉടച്ചുവാര്‍ത്ത ഡിസൈനിലാണ് ഐ20-യുടെ മൂന്നാം വരവെന്നാണ് സൂചന. അതേസമയം, ഹ്യുണ്ടായി വിദേശത്ത് ഇറക്കിയിട്ടുള്ള ഐ30-യുമായി ചെറിയ സാമ്യം ഈ വാഹനത്തിന് ഉണ്ടെന്നും വാര്‍ത്തകള്‍ വരുന്നുണ്ട്.
മൂന്നാം തലമുറ ഐ20-ക്ക് നല്‍കുന്നത് സ്പോട്ടി ഡിസൈന്‍, ഡ്യുവല്‍ ടോണ്‍ അലോയി വീല്‍, ആംഗുലര്‍ എല്‍ഇഡി ഹെഡ്ലൈറ്റ്, വിന്‍ഡോയിലൂടെ നീളുന്ന ക്രോം റണ്ണിങ്ങ് സ്ട്രിപ്പ് എന്നീ ഫീച്ചറുകളാണ്. ഓട്ടോമാറ്റിക്, മാനുവല്‍ ട്രാന്‍സ്മിഷനുകള്‍ തുടര്‍ന്നും എത്തിയേക്കുമെന്നും റിപ്പോര്‍ട്ടുണ്ട്. വാഹനത്തെ 2020 ജൂണില്‍ ഇന്ത്യയില്‍ അവതരിപ്പിക്കുമെന്നാണ് പ്രതീക്ഷിക്കുന്നത്.
