തിരുവനന്തപുരം: തിരുവനന്തപുരം വിമാനത്താവളത്തില്‍ നിന്നും ഡ്യൂട്ടി കഴിഞ്ഞ് മടങ്ങുന്ന വഴി വനിതാ പൈലറ്റിനെ അജ്ഞാതന്‍ അപമാനിച്ചു.
ഡല്‍ഹി സ്വദേശിയായ യുവതിയെയാണ് ഒരാള്‍ അശ്ലീല പരാമര്‍ശം നടത്തി അപമാനിച്ചത്.
വിമാനത്താവളത്തിലെ തിരക്കേറിയ ഭാഗത്ത് വെച്ചാണ് സംഭവം നടന്നതെന്നാണ് യുവതി പരാതിയില്‍ പറയുന്നത്. ഡല്‍ഹിയില്‍ നിന്നും തിരുവനന്തപുരത്തേക്കുള്ള വിമാനത്തില്‍ സെക്കന്‍ഡ് പൈലറ്റായാണ് യുവതി എത്തിയത്.
വിമാനം ലാന്‍ഡ് ചെയ്ത ശേഷം പുറത്തേക്ക് വന്ന ഇവര്‍ ഹോട്ടലിലേക്ക് പോകാനായി ടാക്‌സിക്ക് വേണ്ടി കാത്തുനില്‍ക്കുന്നതിനിടെയാണ് ഒരു ടാക്‌സി ഡ്രൈവര്‍ യുവതിക്ക് അടുത്ത് എത്തി അശ്ലീല പരാമര്‍ശം നടത്തിയത്.
