തിരുവനന്തപുരം: തിരുവനന്തപുരം ജില്ലയിൽ ഇന്ന് (07 സെപ്റ്റംബർ 2021) 1686 പേർക്കു കൂടി കോവിഡ് സ്ഥിരീകരിച്ചു. 2085 പേർ രോഗമുക്തരായി. 13.3 ശതമാനമാണു ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 16306 പേർ ചികിത്സയിലുണ്ട്.
പുതുതായി 2180 പേരെ ജില്ലയിൽ നിരീക്ഷണത്തിലാക്കി. 1429 പേർ നിരീക്ഷണകാലം രോഗലക്ഷണങ്ങളില്ലാതെ പൂർത്തിയാക്കി. കോവിഡുമായി ബന്ധപ്പെട്ട് ഇപ്പോൾ നിരീക്ഷണത്തിലുള്ളവരുടെ ആകെ എണ്ണം 42865 ആയി.
