ചാര്‍ലി എന്ന സൂപ്പര്‍ഹിറ്റ് ചിത്രത്തിനു ശേഷം മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ‘നായാട്ട്’ ഏപ്രില്‍ 8നു തിയറ്ററുകളിലെത്തും. കുഞ്ചാക്കോ ബോബന്‍, ജോജു ജോര്‍ജ്, നിമിഷ സജയന്‍, അനില്‍ നെടുമങ്ങാട്, ജാഫര്‍ ഇടുക്കി തുടങ്ങിയ താരനിര ചിത്രത്തിലുണ്ട്.
‘ജോസഫ്’ സിനിമ എഴുതിയ ഷാഹി കബീറാണു തിരക്കഥാകൃത്ത്.
ഷൈജു ഖാലിദാണ് ക്യാമറ.എഡിറ്റര്‍: മഹേഷ് നാരായണന്‍. സംഗീതം: വിഷ്ണു വിജയ്. അയ്യപ്പനും കോശിയും നിര്‍മിച്ച ഗോള്‍ഡ് കോയിന്‍ മോഷന്‍ പിക്ചര്‍ കമ്പനിയാണു നിര്‍മാണം. സംവിധായകന്‍ രഞ്ജിത്, പി.എം.ശശിധരന്‍ എന്നിവരാണു നിര്‍മാതാക്കള്‍.
ചാക്കോച്ചനും ജോജുവിനുമൊപ്പം നിമിഷയും പൊലീസ് വേഷത്തിലെത്തുന്നു. മൂവര്‍ക്കുമൊപ്പം ഏതാനും പുതുമുഖങ്ങളും ചിത്രത്തിന്റെ ഭാഗമാണ്. സിനിമയുടെ ട്രെയിലര്‍ സമൂഹമാധ്യമങ്ങളില്‍ തരംഗമായിരുന്നു.
