പ്രാഗ്: ടോം ആന്‍ഡ് ജെറി, പോപേയ് ആനിമേഷന്‍ ചിത്രങ്ങളുടെ സംവിധായകനും ഓസ്‌കര്‍ ജേതാവുമായ യൂജീന്‍ മെറില്‍ ഡീച്ച് അന്തരിച്ചു. 95 വയസ്സായിരുന്നു.
വാര്‍ധക്യസഹജമായ അസുഖങ്ങളെ തുടര്‍ന്ന് മാസങ്ങളായി ചികിത്സയിലായിരുന്ന അദ്ദേഹം വ്യാഴാഴ്ച രാത്രിയോടെ പ്രാഗിലെ അപ്പാര്‍ട്ട്‌മെന്റില്‍വെച്ചാണ് മരണമടഞ്ഞതെന്ന് കുടുംബാംഗങ്ങള്‍ സ്ഥിരീകരിച്ചു.
ടോം ആന്‍ഡ് ജെറി ഫിലിം സീരീസിലെ 13 ചിത്രങ്ങളും പോപേയ് ദി സെയ്‌ലര്‍ പരമ്പരയിലെ ഏതാനും ചിത്രങ്ങളും ജീന്‍ സംവിധാനം ചെയ്തതാണ്.
1924-ല്‍ ഷിക്കാഗോയില്‍ ജനിച്ച യൂജീന്‍ വ്യോമസേനയില്‍ പൈലറ്റായി ജോലിചെയ്തു. പിന്നീട് ആനിമേഷന്‍, ഇലസ്‌ട്രേഷന്‍ രംഗത്തെത്തുകയും മണ്‍റോ എന്ന അനിമേറ്റഡ് ഷോര്‍ട്ട് ഫിലിമിന് അദ്ദേഹത്തിന് ഓസ്‌കര്‍ അവാര്‍ഡ് ലഭിക്കുകയും ചെയ്തു.
