യുവ നടന്‍ ടൊവിനോ തോമസിനെ നായകനാക്കി നവാഗതനായ വിഷ്ണു നാരായണന്‍ സംവിധാനം ചെയ്യുന്ന ചിത്രമാണ് മറഡോണ.
തമിഴ് സൂപ്പര്‍ സ്റ്റാര്‍ ധനുഷിന്റെ ഉടമസ്ഥതയിലുള്ള വണ്ടര്‍ബാര്‍ ഫിലിംസ് ആണ് ചിത്രത്തിന്റെ നിര്‍മ്മാണം ഏറ്റെടുത്തിരിക്കുന്നത്.
മറഡോണ എന്നാണ് പേരെങ്കിലും ചിത്രത്തിന് ഫുട്‌ബോളുമായി ബന്ധമൊന്നുമില്ലെന്നും മറഡോണ എന്നത് കഥാപാത്രത്തിന്റെ വിളിപ്പേര് മാത്രമാണെന്നും സംവിധായകന്‍ പറഞ്ഞു.
പുതുമുഖം ശരണ്യ ആര്‍ നായരാണ് നായികയായായെത്തുന്നത്. ചെമ്പന്‍ വിനോദും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്.
അങ്കമാലി ഡയറീസില്‍ ‘യു ക്ലാംബ് രാജനായി’ മികച്ച അഭിനയം കാഴ്ച വച്ച ടിറ്റോ വില്‍സണ്‍, പോര്‍ക്ക് വര്‍ക്കിയായി അഭിനയിച്ച കിച്ചു വര്‍ക്കി, ബര്‍ജര്‍ പട്ടേല്‍, നിഷ്തര്‍ അഹമ്മദ്, ലിയോണ, ജിന്‍സ് ഭാസ്‌കര്‍, നിരഞ്ജന്‍ എന്നിവരാണ് ചിത്രത്തിലെ മറ്റുതാരങ്ങള്‍.
കൃഷ്ണ മൂര്‍ത്തിയാണ് ചിത്രത്തിന്റെ തിരക്കഥ ഒരുക്കുന്നത്. ഛായാഗ്രഹണം ദീപക് ഡി. മേനോന്‍. സംഗീതം സുഷിന്‍ ശ്യാം. കലാസംവിധാനം സാബു മോഹന്‍. കോസ്റ്റ്യൂംസ് പ്രവീണ്‍ വര്‍മ.
