ഒരു മെക്‌സിക്കന്‍ അപാരത എന്ന ചിത്രത്തിലൂടെ യുവാക്കളുടെ ഹരമായി മാറിയ യുവതാരം ടോവിനോ തോമസ് ആഷിക് അബുവിന്റെ അടുത്ത ചിത്രത്തില്‍ നായകനാകുന്നു.
ചിത്രത്തിന്റെ കഥ ഒരുക്കുന്നത് സംവിധായകന്‍ അമല്‍ നീരദാണ്.ആഷിഖ് അബു- അമല്‍ നീരദ് ടീമിനൊപ്പം ടൊവിനോ ആദ്യമായി ഒന്നിക്കുന്ന ചിത്രമാണിത്.
യഥാര്‍ത്ഥ ജീവിത കഥയെ ആസ്പദമാക്കി ഒരുക്കുന്ന ചിത്രത്തിന്റെ തിരക്കഥ രചിക്കുന്നത് ദിലീഷ് നായരും ശ്യാം പുഷ്‌കരനും ചേര്‍ന്നാണ്.
ചിത്രത്തിന്റെ കൂടുതല്‍ വിവരങ്ങള്‍ വെളിപ്പടുത്തിയിട്ടില്ല.
ബിആര്‍ വിജയലക്ഷ്മി സംവിധാനം ചെയ്യുന്ന ഒരു തമിഴ് ചിത്രത്തിന്റെ തിരക്കിലാണിപ്പോള്‍ ടോവിനോ.
