മധുപാൽ സംവിധാനം ചെയ്യുന്ന പുതിയ ചിത്രമാണ് ഒരു കുപ്രസിദ്ധ പയ്യൻ.
ടൊവിനോ തോമസ് നായകനാകുന്ന ചിത്രത്തിൽ നായികയായി എത്തുന്നത് തൊണ്ടി മുതലും ദൃക്സാക്ഷിയും എന്ന ചിത്രത്തിലൂടെ ശ്രദ്ധേയയായ നിമിഷ സജയനാണ്.
ഫെബ്രുവരിയിലാണ് ഒരു കുപ്രസിദ്ധ പയ്യന്റെ ഷൂട്ടിംഗ് തുടങ്ങുക.
വി. സിനിമാസ് നിർമ്മിക്കുന്ന ചിത്രത്തിന് തിരക്കഥ രചിക്കുന്നത് ജീവൻ ജോബ് തോമസാണ്.
ശരണ്യ പൊൻവണൻ, ബാലു വർഗീസ്, ലിജോമോൾ ജോസ്, നെടുമുടി വേണു, ദിലീഷ് പോത്തൻ, സിദ്ധിഖ്, പശുപതി, അലൻസിയർ, സുധീർ കരമന, ഉണ്ണിമായ, സുജിത്ത് ശങ്കർ, സിബി തോമസ്, മഞ്ജു വാണി തുടങ്ങിയ താരനിരയ്‌ക്കൊപ്പം നിർമ്മാതാവ് ജി. സുരേഷ് കുമാറും കാമറമാൻ പി. സുകുമാറും ചിത്രത്തിൽ അഭിനയിക്കുന്നുണ്ട്.
