സിനിമ ലോകത്ത് എത്തിയ ആറ് വർഷത്തെ ജീവത അനുഭവം പങ്കുവെച്ച് മലയാളികളുടെ പ്രിയതാരം ടൊവിനോ തോമസ്. ഫെയ്‌സ്ബുക്കിലൂടെയാണ് ടൊവിനോ സിനിമ ജീവതത്തിലെ വിജയ പരാജയങ്ങളെ കുറിച്ച് പറഞ്ഞത്.
ഇതേ ദിവസമാണ് ആറ് വർഷങ്ങൾക്ക് മുമ്പ് പ്രഭുവിന്റെ മക്കൾ എന്ന ചിത്രത്തിലെ പാട്ട് രംഗത്തിൽ അഭിനയിച്ച് സിനിമ ജീവിതത്തിന് തുടക്കം കുറിക്കുന്നതെന്നും, ആറ് വർഷത്തെ സിനിമ ജീവിതത്തിൽ ഉയർച്ചയും താഴ്ചയും സുഖവും ദു:ഖവും ഉണ്ടായിട്ടുണ്ടെന്നും ടൊവിനോ പറഞ്ഞു.
എന്നിലും, എന്റെ അഭിനയത്തിലും പ്രേക്ഷകർ അർപ്പിച്ച വിശ്വാസം എനിക്ക് പ്രചോദനമായിട്ടുണ്ട്. സിനിമ മേഖലയിലെ പലരും എന്നെ സഹായിച്ചിട്ടുണ്ട്. പ്രഗൽഭരായ സംവിധായകർ, നിർമ്മാതാക്കൾ, സാങ്കേതിക വിദഗ്ധർ, അഭിനേതാക്കാൾ എന്നിവരുടെ കൂടെ ജോലി ചെയ്യാൻ കഴിഞ്ഞത് ഭാഗ്യമാണ്. സിനിമ ആസ്വാദകരുടെ സ്നേഹത്തിനും പിന്തുണക്കും നന്ദിയുണ്ടെന്നും, നിങ്ങൾക്കായി നല്ല സിനിമകൾ നൽകാൻ ഞാൻ ശ്രമിക്കുമെന്നും താരം കൂട്ടിച്ചേർത്തു.
