കൊല്‍ക്കത്ത: കളിപ്പാട്ടം വാങ്ങി നല്‍കാനെന്ന വ്യാജ വാഗ്ദാനം നൽകി കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍. കുട്ടിയുടെ അമ്മാവനാണ് അറസ്റ്റിലായത്. ഹൗറയിലാണ് സംഭവം.
ഉച്ചയൂണിന് ശേഷം കുടുംബാംഗങ്ങളൊന്നിച്ചിരിക്കുമ്പോഴാണ് കുഞ്ഞിന് കുറച്ച് കളിപ്പാട്ടം വാങ്ങിത്തരാമെന്ന് പറഞ്ഞ് വീട്ടുകാരുടെ സമ്മതത്തോടെ അമ്മാവന്‍ കുട്ടിയെ കൊണ്ട് പോയത്. എന്നാല്‍ അകലെ കൊണ്ട് പോകെരുതെന്ന നിര്‍ദേശം വീട്ടുകാര്‍ നല്‍കിയാണ് കുട്ടിയുടെ അമ്മാവന്റെ കൈയ്യില്‍ കുട്ടിയെ നല്‍കിയത്.
എന്നാല്‍ വേഗത്തില്‍ കുട്ടിയുമായി വീട്ടില്‍ നിന്ന് ഇറങ്ങിയ ഇയാള്‍ കുറച്ച് സമയത്തിന് ശേഷം തിരിച്ചെത്തിക്കുകയും ചെയ്തിരുന്നു. കുട്ടി ആകെ ബഹളം വയ്ക്കുന്നതും അസ്വസ്ഥയാകുന്നതും കണ്ട അമ്മ വസ്ത്രം മാറ്റി പരിശോധിച്ചപ്പോഴാണ് രക്തം വരുന്നത് കണ്ടത്.
ഇതോടെ ഉടന്‍ തന്നെ വീട്ടുകാര്‍ പൊലീസില്‍ വിവരം അറിയിക്കുകയായിരുന്നു. പ്രതിയെ പോക്‌സോ ചുമത്തി അറസ്റ്റ് ചെയ്തതായി ശ്യാംപുര്‍ പൊലീസ് അറിയിച്ചു.
