പാറ്റ്‌ന: ട്രാക്ടര്‍ മറിഞ്ഞ് ആറ് കുട്ടികള്‍ക്ക് ദാരുണാന്ത്യം. ബിഹാറിലെ ഗോപാല്‍ഗഞ്ചില്‍ ഇന്ന് രാവിലെയാണ് അപകടമുണ്ടായത്. ട്രാക്ടര്‍ അമിത ഭാരമേന്തി വന്നതാണ് അപകടത്തിന് കാരണം എന്നാണ് പ്രാഥമിക വിലയിരുത്തല്‍.
അപകട സമയത്ത് കുട്ടികള്‍ റോഡിന്റെ വശത്ത് കളിക്കുകയായിരുന്നു. ട്രാക്ടര്‍ കുട്ടികളുടെ മേല്‍ മറിയുകയായിരുന്നു. മരിച്ച കുട്ടികളുടെ മൃതദേഹം പോസ്റ്റ്‌മോര്‍ട്ടത്തിനായി കൊണ്ടുപോയി. അതേസമയം ആറ് കുട്ടികള്‍ക്ക് പരിക്കേല്‍ക്കുകയും ചെയ്തിട്ടുണ്ട്. ഇവരെ ആശുപത്രിയിലെത്തിച്ചു. 10 നും 15നും ഇടയില്‍ പ്രായമുള്ള കുട്ടികളാണ് അപകടത്തില്‍പ്പെട്ടത്.
ട്രാക്ടര്‍ റോഡിലെ കുഴിയില്‍ വീണതോടെയാണ് അപകടമുണ്ടായത്. ഡ്രൈവര്‍ സംഭവസ്ഥലത്തുനിന്ന് ഉടന്‍ തന്നെ ഓടി രക്ഷപ്പെട്ടു. കുട്ടികളെക്കുറിച്ചുള്ള വിവരങ്ങള്‍ പുറത്തുവിട്ടിട്ടില്ല.
