കൊച്ചി : ഗള്‍ഫ് ബിസിനസ് അവാര്‍ഡ് 2018ല്‍ ഈ വര്‍ഷത്തെ ഏവിയേഷന്‍ ആന്‍ഡ് ട്രാന്‍സ്‌പോര്‍ട്ട് ബിസിനസ് ലീഡര്‍ പുരസ്‌കാരത്തിന് എമിറേറ്റ്‌സ് എയര്‍ലൈന്‍സ് പ്രസിഡന്റ് സര്‍ ടിം ക്ലാര്‍ക്ക് അര്‍ഹനായി.
കഴിഞ്ഞ 12മാസക്കാലയളവില്‍ ഏവിയേഷന്‍ രംഗത്തെ മികച്ച സംഭാവനകള്‍ മുന്‍ നിര്‍ത്തിയാണ് പുരസ്‌കാരം നല്‍കിയത്. എമിറേറ്റ്‌സ് എയര്‍ലൈന്‍സിന്റെ സാമ്പത്തിക രംഗത്തെ വളര്‍ച്ച, നവീകരണം, ഉന്നതമായ ഉപഭോക്തൃ അനുഭവം എന്നിവയിലെ മികച്ച നേട്ടങ്ങളാണ് അദ്ദേഹത്തെ പുരസ്‌കാരത്തിന് അര്‍ഹമാക്കിയത്.
ഗള്‍ഫ് മേഖലയിലെ വിവിധ തരത്തിലുള്ള ബിസിനസ് സംരംഭങ്ങളുടെ നേതൃത്വത്തെയാണ് ഗള്‍ഫ് ബിസിനസ് അവാര്‍ഡിനായി പരിഗണിക്കുന്നത്. പൊതുവായ വോട്ടെടുപ്പിന്റെയും, മത്സരാധിഷ്ഠിതമായ തിരഞ്ഞെടുക്കലുകളിലൂടെയുമാണ് അവാര്‍ഡുകള്‍ നല്‍കുന്നത്. എമിറേറ്റ്‌സ് എയര്‍ലൈന്‍സിന്റെ സ്ഥാപക അംഗങ്ങളില്‍ ഒരാളാണ് സര്‍ ടിം ക്ലര്‍ക്ക്.
