തിരുവനന്തപുരം: വഞ്ചിയൂര്‍ ട്രഷറിയില്‍ നിന്നും 2,73,99,000 രൂപ തട്ടിയെടുത്ത കേസിലെ പ്രതി ബിജു ലാലിനെ നാല് ദിവസത്തെ പൊലീസ് കസ്റ്റഡിയില്‍ വിട്ടു. വഞ്ചിയൂര്‍ ട്രഷറി, വിവിധ ബാങ്കുകള്‍ എന്നിവടങ്ങളില്‍ ബിജുലാലിനെ കൊണ്ട് തെളിവെടുപ്പ് നടത്തും.
ബിജുലാല്‍ നേരത്തെ ജോലി ചെയ്തതിട്ടുളള കോട്ടയം, വയനാട് ട്രഷറികളിലും തട്ടിപ്പ് നടത്തിയിട്ടുണ്ടോയെന്ന് പരിശോധിക്കേണ്ടി വരുമെന്ന് അന്വേഷണ ഉദ്യോഗസ്ഥര്‍ പറയുന്നു. ഇതുകൂടാതെ കേസിലെ രണ്ടാം പ്രതിയായ ബിജുവിന്റെ ഭാര്യയുടെ പങ്കിനെ കുറിച്ച് വ്യക്തമാകണമെങ്കില്‍ ബിജു ലാലിനെ കൂടുതല്‍ ചോദ്യം ചെയ്യണമെന്നും പ്രത്യേക സംഘം വ്യക്തമാക്കി.
