തിരുവനന്തപുരം: കെഎസ്ആര്ടിസി ബസും ബൈക്കും കൂട്ടിയിടിച്ച് രണ്ടു യുവാക്കള് മരിച്ചു. വെമ്പായത്തിനു സമീപം പെരുങ്കുഴിയിലാണ് അപകടം. നെടുമങ്ങാട് വെള്ളരികോണം സ്വദേശി മനു (27)വാണ് മരിച്ച ഒരാള്. അടുത്തയാളെ തിരിച്ചറിഞ്ഞിട്ടില്ല.
പരിക്കേറ്റ മറ്റൊരാളെ മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇയാളുടെ നില ഗുരുതരമാണ്. മൂന്നു യുവാക്കളും ഒരു ബൈക്കില് യാത്ര ചെയ്തിരുന്നവരാണെന്നാണ് ആശുപത്രിയിലെത്തിച്ചവര് പറഞ്ഞത്.
