ലഖ്‌നൗ: ഉത്തര്‍ പ്രദേശിലെ ഇറ്റാഹില്‍ ട്രക്ക് കനാലിലേക്ക് മറിഞ്ഞ് 14 മരണം. 28 പേര്‍ക്ക് പരിക്കേറ്റു.
ഇറ്റാഹ് ജില്ലയിലെ ജലേസര്‍ മേഖലയിലായില്‍ രാവിലെയായിരുന്നു സംഭവം. റോഡരികിലുള്ള കൈവരി തകര്‍ത്ത് ട്രക്ക് കനാലിലേക്ക് പതിക്കുകയായിരുന്നു.
ജലേസര്‍ നാഗാ ലാല്‍ സിങ്ങില്‍ വിവാഹ ചടങ്ങില്‍ പങ്കെടുത്തു മടങ്ങിയവരാണ് അപകടത്തില്‍ പെട്ടത്. മരിച്ചവരെല്ലാം ആഗ്ര ജില്ലയിലെ നഗരിയ ഗ്രാമവാസികളാണ്.
ഡ്രൈവര്‍ ഉറങ്ങിപ്പോയതാണ് അപകട കാരണമെന്നാണ് പൊലീസിന്റെ പ്രാഥമിക നിഗമനം.
