പഞ്ചാബി ചിത്രമായ സജ്ജൻ സിംഗ് രംഗ്റൂട്ട് ഹിന്ദിയിലും ഇംഗ്ലീഷിലും ഡബ് ചെയ്യാൻ ഒരുങ്ങുന്നുവെന്ന് ദിൽജിത് ദോസജൻ. ദിൽജിത് ദോസജൻ നായകനാകുന്ന പുതിയ ചിത്രമാണ് സജ്ജൻ സിംഗ് രംഗ്റൂട്ട്.
ഒന്നാം ലോക മഹായുദ്ധത്തെ അടിസ്ഥാനമാക്കി ഒരുക്കുന്ന ചിത്രം യുദ്ധ സമയത്തെ സിഖ്കാരുടെ കഥയാണ് പറയുന്നത്. സുനന്ദ ശർമ്മയാണ് ചിത്രത്തിലെ നായിക. പങ്കജ് ബത്ര ഒരുക്കുന്ന ചിത്രം മാർച്ച് 23 ന് റിലീസ് ചെയ്യും. കഴിഞ്ഞ ദിവസം പുറത്തിറക്കിയ ചിത്രത്തിന്റെ ട്രെയിലറിന് മികച്ച പ്രതികരണമാണ് ലഭിച്ചത്.
ചക്രി ടോലേറ്റി സംവിധാനം ചെയ്യുന്ന വെൽക്കം ടു ന്യൂയോർക്ക് എന്ന ചിത്രമാണ് താരത്തിന്റെ പുതിയ സിനിമ. സോനാക്ഷി സിൻഹ നായികയായി എത്തുന്ന പുതിയ ചിത്രത്തിൽ കരൺ ജോഹർ, റിതേഷ് ദേശ്മുഖ്, ലാറാ ദത്ത, ബൊമൻ ഇറാനി, റാണാ ദഗുബതി എന്നിവരാണ് ചിത്രത്തിലെ പ്രധാന കഥാപാത്രങ്ങൾ.
പൂജാ എന്റർടൈൻമെന്റിന്റെ ബാനറിൽ ഒരുങ്ങുന്ന ചിത്രം വഷു ഭഗാനാനിയാണ് നിർമ്മിക്കുന്നത്. ചിത്രം ഫെബ്രുവരി 23ന് പ്രദർശനത്തിനെത്തും.
