അങ്കാര : തുർക്കി തീവ്രവാദ വിരുദ്ധ സ്‌ക്വാഡ് നടത്തിയ തിരച്ചിലിൽ 12 ഇസ്ലാമിക് സ്റ്റേറ്റ് തീവ്രവാദികളെ അറസ്റ്റ് ചെയ്തു. രാജ്യത്തുടനീളം തീവ്രവാദ വിരുദ്ധ സ്‌ക്വാഡ് നടത്തിയ പരിശോധനയിലാണ് ഇവരെ പിടികൂടിയത്.
അറസ്റ്റിലായ ഇവർ വിദേശികളാണ് , ഇവർ തീവ്രവാദ ഗ്രൂപ്പിലേയക്ക് ആളുകളെ റിക്രൂട്ട് ചെയ്തതായി കണ്ടെത്തിയെന്നും സംഘർഷങ്ങൾ നിലനിൽക്കുന്ന സിറിയയിലെയും ഇറാഖിലെയും ആളുകളുമായി ഇവർക്ക് ബന്ധമുണ്ടെന്നും അധികൃതർ വ്യക്തമാക്കി.
പിടികൂടിയവർക്കൊപ്പമുള്ള ബാക്കി എട്ടുപേർക്കായി തിരച്ചിൽ ശക്തമാക്കിയെന്നും പൊലിസ് അറിയിച്ചു. സംഭവവുമായി ബന്ധപ്പെട്ട കൂടുതൽ വിവരങ്ങൾ തുർക്കി പൊലിസ് വ്യക്തമാക്കിയിട്ടില്ല.
