125 സിസി എന്‍ജിന്‍ കരുത്ത് പകരുന്ന ടിവിഎസിന്റെ എന്‍ടോര്‍ക്ക് ഡല്‍ഹി ഓട്ടോ എക്‌സ്‌പോയില്‍ അവതരിപ്പിച്ചു. ഡല്‍ഹി എക്‌സ്‌ഷോറൂമില്‍ എന്‍ടോര്‍ക്കിന് 58,750 രൂപയാണ് വില.
പുതിയ ഫീച്ചേഴ്‌സ് ഉള്‍ക്കൊള്ളിച്ചുള്ള എന്‍ടോര്‍ക്ക് മാറ്റ് ബ്ലാക്ക്, മാറ്റ് യെല്ലോ, മാറ്റ് ഓറഞ്ച്, മാറ്റ് ഗ്രീന്‍ എന്നീ നാല് ഡ്യൂവല്‍ ടോണ്‍ നിറങ്ങളില്‍ ലഭിക്കും.
സ്‌പോര്‍ട്ടി രൂപത്തിന് പ്രാധാന്യം നല്‍കി രൂപകല്‍പന ചെയ്തിരിക്കുന്ന എന്‍ടോര്‍ക്കിന്റെ പ്രധാന സവിശേഷതകള്‍ സ്മാര്‍ട്ട് കണക്റ്റ് ടെക്‌നോളജി, ബ്ലൂ ടൂത്ത് വഴി നാവിഗേഷന്‍ സ്മാര്‍ട്ട് ഫോണ്‍ കണക്റ്റിവിറ്റിയുള്ള ഫുള്‍ ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ എന്നിവയാണ്.
കോളര്‍ ഐഡി, പാര്‍ക്കിങ് ലൊക്കേഷന്‍ അസിസ്റ്റ് എന്നിവയും ഇതിലുണ്ട്. 116 കിലോഗ്രാമുള്ള എന്‍ടോര്‍ക്കിന് ഒമ്പത് സെക്കന്‍ഡിനുള്ളില്‍ പൂജ്യത്തില്‍ നിന്ന് 60 കിലോമീറ്റര്‍ വേഗത കൈവരിക്കാനും സാധിക്കും.
