ദുബായ്: യുഎഇ താമസവിസയുള്ളവര്‍ക്ക് ഇന്ന് മുതല്‍ രാജ്യത്തേയ്ക്ക് തിരിച്ചുവരാം. ഇതിനായി ഷെഡ്യൂള്‍ഡ് വിമാന സര്‍വ്വീസും, പ്രത്യേക വിമാന സര്‍വ്വീസും ഏര്‍പ്പെടുത്തിയിട്ടുണ്ട്.
ഏഷ്യ, യൂറോപ്പ്, ആഫ്രിക്ക അമേരിക്ക എന്നിവിടങ്ങളിലുള്ള യുഎഇ താമസവിസയുള്ളവര്‍ക്കാണ് തിരിച്ചു വരാന്‍ വിമാന സര്‍വ്വീസ് ഏര്‍പ്പെടുത്തിയിരിക്കുന്നത്. എമിറേറ്റ്‌സ്, ഇത്തിഹാദ്, ഫ്‌ളൈ ദുബായ് എന്നിവയാണ് ഇതിനായി സര്‍വ്വീസ് നടത്തുന്നത്.
കോവിഡും ലോക്ക്ഡൗണും മൂലം ജോലിക്കെത്താനും കുടുംബത്തിനൊപ്പം ചേരാനും കഴിയാതെ നൂറുകണക്കിനാളുകളാണ് ലോകത്തിന്റെ വിവിധയിടങ്ങളില്‍ കുടുങ്ങി കിടക്കുന്നത്. അതേസമയം, യുഎഇയിലേക്ക് മടങ്ങാന്‍ മലയാളികളടക്കം നിരവധി ഇന്ത്യക്കാരും കാത്തിരിക്കുകയാണ്. താമസവിസയുള്ള മലയാളികള്‍ക്കും ഉടന്‍ മടക്കം സാധ്യമാകും. തിരിച്ചു വരാന്‍ ആഗ്രഹിക്കുന്നവര്‍ താമസ കുടിയേറ്റ വകുപ്പിന്റെ വെബ്‌സൈറ്റില്‍ രജിസ്റ്റര്‍ ചെയ്യണം. മാത്രമല്ല തിരിച്ചെത്തുന്നവര്‍14 ദിവസത്തെ ക്വാറന്റീനില്‍ കഴിയണം.
