അബുദാബി: ഇസ്രയേലിലേക്കുള്ള സര്‍വീസുകള്‍ റദ്ദാക്കി വിമാന കമ്പനി യുഎഇ . പലസ്തീന്‍, ഇസ്രയേല്‍ സംഘര്‍ഷം തുടരുന്ന പശ്ചാത്തലത്തിലാണ് തീരുമാനം. അമേരിക്കയ്ക്കും യൂറോപ്യന്‍ എയര്‍ലൈന്‍സുകള്‍ക്കും പിന്നാലെയാണ് യുഎഇയുടെ തീരുമാനം.
ഞായറാഴ്ച മുതല്‍ ടെല്‍ അവീവിലേക്ക് പുറപ്പെടേണ്ട എല്ലാ യാത്രാവിമാനങ്ങളും കാര്‍ഗോ സര്‍വീസുകളും റദ്ദാക്കിയെന്ന് ഇത്തിഹാദ് എയര്‍വേയ്‌സ് അറിയിച്ചു. കാര്യങ്ങള്‍ പരിശോധിച്ച ശേഷം മാത്രമേ സര്‍വീസ് തുടരുകയുള്ളുയെന്ന് ഇത്തിഹാദ് വ്യക്തമാക്കി. യുഎഇയില്‍ നിന്ന് പുറപ്പെടേണ്ട വിമാനങ്ങള്‍ റദ്ദാക്കിയതായി ഫ്ലൈ ദുബായിയും അറിയിച്ചു.
