കൊച്ചി: ഓണ്‍ലൈന്‍ ഫുഡ് ഡെലിവറി ആപ്പായ യൂബര്‍ ഈറ്റ്‌സിന്റെ ഡെലിവറി ബോയ് മോശമായി പെരുമാറിയതായി കൊച്ചിയിലെ ഐ.ടി പ്രൊഫഷണലായ പ്രിയ എന്ന യുവതിയുടെ പരാതി. ഇന്ന് വൈകിട്ട് ഫുഡ് ഡെലിവറി ചെയ്യാന്‍ വന്നയാളോട് ബില്‍ എത്രയായെന്ന് ചോദിച്ചപ്പോള്‍ ഫോണില്‍ പോണ്‍ ചിത്രം ഉയര്‍ത്തിക്കാട്ടിയെന്നും പിന്നീട് ദുരുദ്ദേശ്യത്തോടെ തന്നെ സമീപിക്കാന്‍ നോക്കിയെന്നുമാണ് പ്രിയയുടെ പരാതി.
തുടര്‍ന്ന് യൂബര്‍ ഈറ്റ്‌സില്‍ പരാതി നല്‍കി. പരാതിയുടെ അടിസ്ഥാനത്തില്‍ ഇയാളെ സസ്‌പെന്‍ഡ് ചെയ്തു. പ്രശ്‌നത്തില്‍ നിയമപരമായി മുന്നോട്ടു പോകുമെന്നും ഇതിനായി പൊലീസിന് പരാതി കൈമാറുമെന്നും അവര്‍ അറിയിച്ചു.
