റിലീസിനു മുമ്പ് തന്നെ ശ്രദ്ധ നേടിയ ചിത്രമാണ് ജോയ് മാത്യു കഥയെഴുതി ഗിരീഷ് ദാമോദര്‍ സംവിധാനം ചെയ്യുന്ന അങ്കിള്‍. മലയാളത്തിന്റെ മെഗാസ്റ്റാര്‍ മമ്മൂട്ടിയാണ് ചിത്രം സംവിധാനം ചെയ്യുന്നത്. അങ്കിള്‍ എന്ന സിനിമയെപ്പറ്റി കൂടുതലറിയാന്‍ ആരാധകര്‍ സോഷ്യല്‍ മീഡിയയില്‍ തിരക്ക് കൂട്ടുമ്പോള്‍ മറുപടിയുമായി എത്തുകയാണ് ജോയ് മാത്യു.
അങ്കിള്‍ മികച്ചതല്ലെങ്കില്‍ ഈ പണി നിര്‍ത്തുമെന്നാണ് ജോയ് മാത്യുവിന്റെ മറുപടി. ചിത്രം സസ്‌പെന്‍സിന്റെ പൊടിപൂരമായിരിക്കുമെന്നും ഷട്ടര്‍ പോലെ ഒരു ക്ലാസ് ചിത്രമായിരിക്കുമെന്നും ആരാധകരുടെ ചോദ്യങ്ങള്‍ക്ക് മറുപടിയായി ജോയ് മാത്യു പറയുന്നു. ജോയ് മാത്യു തന്നെ തിരക്കഥയെഴുതി സംവിധാനം ചെയ്ത് 2012 ല്‍ പുറത്തിറങ്ങിയ ഷട്ടര്‍ എന്ന ചിത്രം നിരവധി പുരസ്‌കാരങ്ങള്‍ നേടിയിരുന്നു.
