ഇന്റര്‍ മയാമി-സിന്‍സിനാറ്റി യുഎസ് ഓപ്പണ്‍ കപ്പ് സെമി പോരാട്ടം നാളെ. വ്യാഴാഴ്ച പുലര്‍ച്ചെ 4.30നാണ് മത്സരം നടക്കുന്നത്. മെസ്സിയുടെ ഓപ്പണ്‍ കപ്പിലെ ആദ്യ മത്സരമാകും ഇത്. ജൂണില്‍ മെസ്സി വരും മുന്‍പ് നടന്ന ക്വാര്‍ട്ടര്‍ ഫൈനലില്‍ ബര്‍മിങ്ഹാം ലീജിയണെ തോല്‍പ്പിച്ച് ആയിരുന്നു ഇന്റര്‍ മയാമി സെമിയിലേക്ക് എത്തിയത്. ലീഗ്‌സ് കപ്പ് സ്വന്തമാക്കിയ ഇന്റര്‍ മയാമി, ക്യാപ്റ്റന്‍ ലയണല്‍ മെസിയുടെ തകര്‍പ്പന്‍ ഫോമില്‍ മുന്നേറാമെന്ന ആത്മവിശ്വാസത്തിലാണ്.
ഇതുവരെ ഇന്റര്‍ മയാമിക്ക് ആയി കളിച്ച എല്ലാ മത്സരങ്ങളിലും ഗോളടിച്ച മെസ്സി അത് തുടരാനാകും ശ്രമിക്കുക. മത്സരത്തിന്റെ തത്സമയ ടെലികാസ് ഇന്ത്യയില്‍ ഉണ്ടാകില്ല. അതുകൊണ്ട് മെസ്സി ആരാധകര്‍ സ്ട്രീമിംഗ് ലിങ്കുകളെ ആശ്രയിക്കേണ്ടി വരും. ലീഗ്‌സ് കപ്പ് സ്വന്തമാക്കിയ മയാമി ഗോള്‍ഡന്‍ കപ്പ് കൂടെ അവരുടെ ട്രോഫി ക്യാബിനറ്റിലേക്ക് ചേര്‍ക്കാന്‍ ആകും ശ്രമിക്കുക. ഈ മത്സരം കഴിഞ്ഞാല്‍ ഓഗസ്റ്റ് 27ന് മെസ്സിയുടെ എം എല്‍ എസ് അരങ്ങേറ്റം ആകും നടക്കുക. 27ആം തീയതി ന്യൂയോര്‍ക്ക് റെഡ് ബുള്‍സിനെ ആകും ഇന്റര്‍ മയാമി എം എല്‍ എസില്‍ നേരിടുക
