വാഷിംങ്ടണ്‍: കൊവിഡ് 19നെതിരായ വാക്സിന്‍ കുത്തിവയ്പ്പ് എടുത്ത് അമേരിക്കയുടെ നിയുക്ത വൈസ് പ്രസിഡന്റ് കമല ഹാരിസ്. ജനങ്ങളില്‍ വാക്സിന്‍ എടുക്കേണ്ടതിന്‍റെ അവബോധം വളര്‍ത്താന്‍ വേണ്ടി വാക്സിന്‍ എടുക്കുന്നത് ലൈവായി പ്രക്ഷേപണം ചെയ്തിരുന്നു. പ്രധാനമായും ആഫ്രിക്കന്‍ അമേരിക്കന്‍ സമൂഹത്തിനിടയില്‍ കൂടുതല്‍ വാക്സിന്‍ അവബോധം ആവശ്യമാണ് എന്നാണ് ആരോഗ്യ വിദഗ്ധര്‍ പറയുന്നത്. വാഷിംങ്ടണ്‍ ഡിസിയിലെ യുണെറ്റഡ് മെഡിക്കല്‍ സെന്ററില്‍ വച്ചാണ് കമല വാക്സിന്‍ എടുത്തത്. ആഫ്രിക്കന്‍ അമേരിക്കന്‍ വിഭാഗക്കാര്‍ ഏറെ താമസിക്കുന്ന മേഖലയിലാണ് ഇത്.
അമേരിക്കന്‍ കമ്പനി മോഡേണ നിര്‍മ്മിച്ച വാക്സിനാണ് കമല സ്വീകരിച്ചത്. കമലയുടെ ഭര്‍ത്താവ് ഡഗ് എമ്ഹോഫും വാക്സിന്‍ എടുത്തിട്ടുണ്ട്. ജനുവരി 20നാണ് കമല അമേരിക്കയുടെ ആദ്യത്തെ ബ്ലാക്ക്ഇന്ത്യന്‍ അമേരിക്കന്‍ വൈസ് പ്രസിഡന്‍റായി സ്ഥാനമേല്‍ക്കുക.
