കൊച്ചി: ലൈഫ് മിഷനും റെഡ് ക്രസന്റും തമ്മിലുളള ധാരണാപത്രം എന്‍ഫോഴ്സ്മെന്റ് ഡയറക്ടറേറ്റിന് കൈമാറി. റെഡ്ക്രസന്റുമായി ലൈഫ് മിഷന് ഒപ്പുവെച്ച ധാരണാപത്രവും മുഴുവന്‍ സര്‍ക്കാര്‍ രേഖകളും നല്‍കണമെന്നാവശ്യപ്പെട്ട് ലൈഫ് മിഷന് സിഇഒ യു.വി.ജോസിന് ഇ.ഡി.ഉദ്യോഗസ്ഥര്‍ നോട്ടീസ് നല്‍കിയിരുന്നു.
ധാരണാപത്രം പുറത്തുവിടണമെന്നും ധാരണപത്രത്തിലെ വ്യവസ്ഥകള്‍ എന്ത് എന്നുളളത് സംബന്ധിച്ച് നിരവധി ചര്‍ച്ചകള്‍ നേരത്തേ ഉയര്‍ന്നിരുന്നു. ഇഡി ആവശ്യപ്പെട്ടതോടെയാണ് ഇത് കൈമാറാന്‍ നിര്‍ബന്ധിതമായത്. ലൈഫ് മിഷന് കൈമാറിയ രേഖകള്‍ ഇഡി പരിശോധിച്ചുകൊണ്ടിരിക്കുകയാണ്. മുഖ്യമന്ത്രിയുടെ ഓഫീസില്‍ വെച്ചാണ് റെഡ് ക്രസന്റുമായി ലൈഫ് മിഷന് സിഇഒ യു.വി.ജോസ് ധാരണാപത്രം ഒപ്പിട്ടത്.
