കൊച്ചി : കേരളത്തില്‍ മഴക്കെടുതി തുടരുന്ന സാഹചര്യത്തില്‍ വിവിധ സര്‍വകലാശാലകളും, വിദ്യാഭ്യാസ സ്ഥാപനങ്ങളും നടത്താനിരുന്ന പരീക്ഷകള്‍ മാറ്റിവെച്ചു. കണ്ണൂര്‍ സര്‍വകലാശാല നളെ നടത്താനിരുന്ന എല്ലാ പരീക്ഷകളും മാറ്റി വച്ചു.
ഐടിഐ അഖിലേന്ത്യ ട്രേഡ് ടെസ്റ്റ് പരീക്ഷകളും മാറ്റി വച്ചു. 16,17,18 തീയതികളില്‍ നടത്താനിരുന്ന പരീക്ഷകളാണ് മാറ്റിവെച്ചത്.
കൊച്ചി ശാസ്ര സാങ്കേതിക സര്‍വ്വകലാശാല വ്യാഴം, വെള്ളി, ശനി ദിവസങ്ങളില്‍ നടത്താനിരുന്ന പരീക്ഷകളും മാറ്റി വെച്ചു. പുതുക്കിയ തീയതികള്‍ പിന്നീട് അറിയിക്കും.
കനത്ത മഴ തുടരുന്ന സാഹചര്യത്തില്‍ കോട്ടയം,ആലപ്പുഴ, കോഴിക്കോട് ജില്ലയിലെ പ്രഫഷണല്‍ കോളജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കും ആംഗന്‍വാടികള്‍ക്കും വ്യാഴാഴ്ച ജില്ലാ കളക്ടര്‍മാര്‍ അവധി പ്രഖ്യാപിച്ചു.
