ബോളിവുഡ് ചിത്രം എ.ബി.സി.ഡി 2ലെ സഹ താരങ്ങളായ രാഘവ് ജുയല്‍, പൂണിത് ജെ പഥക്, ധര്‍മേഷ് യലെന്ദെ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന റൊമാന്റിക് കോമഡി ചിത്രം നവാബ്‌സാദെയിലെ ആദ്യ ഗാനം പുറത്തിറങ്ങി. ‘ഹൈ റേറ്റഡ് ഗബ്രു’ എന്ന ഗാനം ഇപ്പോള്‍ യുട്യൂബില്‍ ഹിറ്റായിരിക്കുകയാണ്. ഗാനത്തിന് വരികളെഴുതി സംഗീതം നല്‍കി ആലപിച്ചിരിക്കുന്നത് ഗുരു രണ്‍ധാവയാണ്.
ചിത്രത്തില്‍ വരുണ്‍ ധവാന്, ശ്രദ്ധ കപൂര്‍ എന്നിവരും അഭിനയിക്കുന്നുണ്ട്. റെമോ ഡിസൂസ എന്റര്‍ടെയ്ന്‍മെന്റിന്റെ ബാനറില്‍ റെമോ ഡിസൂസ തന്നെയാണ് ചിത്രം നിര്‍മ്മിക്കുന്നത്. ജയേഷ് പ്രധാന്‍ സംവിധാനം ചെയ്യുന്ന ചിത്രമാണിത്.
