വ്യത്യസ്തമായ സ്റ്റൈലില്‍ വാവെയുടെ പുതിയ മോഡല്‍ നോവ 4. പുതിയ മോഡലിന്റെ ഏറ്റവും വലിയ പ്രത്യേകത എന്നത് ക്യാമറയാണ്. 4ല്‍ 48 മെഗാപിക്‌സലിന്റെ ക്യാമറയാണ് നോവയുടേത്. പിന്നില്‍ 48+16+2 എന്നിങ്ങനെ മൂന്നു ക്യാമറകളാണുള്ളത്. മുന്നില്‍ 25 മെഗാപിക്‌സലാണ് ക്യാമറ.
മറ്റൊരു പ്രത്യേകത ഫോണിന്റെ ഡിസ്‌പ്ലേയാണ്.6.4 ഇഞ്ച് ഫുള്‍ എച്ച്ഡി ഡിസ്‌പ്ലെ ആണ് ഉള്ളത്. ഇരട്ട സിം, ആന്‍ഡ്രോയ്ഡ് പൈ, കിരിന്‍ 970 എസ്ഒസി പ്രോസസര്‍, 8 ജിബി റാം 128 ജിബി സ്റ്റോറേജുള്ള ഫോണിന് 3750 എംഎഎച്ച് ബാറ്ററിയാണുള്ളത്.
സോണിയുടെ ഐഎംഎക്‌സ് 586 സെന്‍സറാണ് പുതിയ നോവയില്‍ ഉപയോഗിച്ചിരിക്കുന്നത്. ഇക്കാര്യം നേരത്തെ തന്നെ സോണി വ്യക്തമാക്കിയിരുന്നു. ഫോണിന്റെ വില ഇന്ത്യയില്‍ ഏകദേശം 35,300 രൂപയോളം വരും എന്നാണ് വിലയിരുത്തല്‍.
