മാഹി: അഴിയൂര്‍ എക്‌സൈസ് ചെക്ക് പോസ്റ്റില്‍ ഓട്ടോറിക്ഷയില്‍ കടത്തുകയായിരുന്ന 36 കുപ്പി മദ്യവുമായി ഒരാളെ പിടികൂടി. വാഹന പരിശോധനക്കിടയിലാണ് ഇയാള്‍ പിടിയിലാവുന്നത്. ചോമ്പാല ചെറിയ പറമ്പത്ത് സി.പി.പ്രകാശനാണ് പിടിയിലായത്. മദ്യം കടത്താന്‍ ഉപയോഗിച്ച ഓട്ടോറിക്ഷയും കസ്റ്റഡിയിലെടുത്തു.
പ്രതിയെ കോടതിയില്‍ ഹാജരാക്കും. വിഷുവിനോട് അടുത്ത് മദ്യക്കടത്ത് തടയാന്‍ വാഹന പരിശോധന കര്‍ശനമാക്കുമെന്ന് എക്‌സൈസ് ഉദ്യോഗസ്ഥര്‍ വ്യക്തമാക്കി.
