തമിഴ് സൂപ്പര്‍സ്റ്റാര്‍ അജിത്ത് നായകനാകുന്ന ‘വിവേകം’ നാളെ തിയറ്ററുകളിൽ എത്തുകയാണ്.
ലോകമെമ്പാടുമുള്ള റിലീസ് കുടിയയായതിനാൽ ആവേശം കുടുതലാണ് തലയുടെ ആരാധകർക്ക്.
അജിത്ത് ഒരു ഇന്റര്‍പോള്‍ ഏജന്റായാണ് ചിത്രത്തില്‍ എത്തുന്നത്. കാജല്‍ അഗര്‍വാള്‍,വിവേക് ഒബ്‌റോയി, അക്ഷര ഹാസന്‍ തുടങ്ങിയവര്‍ പ്രധാന വേഷത്തിലെത്തുന്നു.
നാളെ ശിവകാർത്തികേയൻ ആരാധാകർക്കും സന്തോഷദിവസമാണ്.
കാരണം അജിത്തിന്റെ വിവേകത്തിനൊപ്പം ‘വേലൈക്കാരന്റെ’ ടീസർ പുറത്ത് വിടും എന്ന് ‘വേലൈക്കാരന്‍’ നിർമ്മിക്കുന്ന 24 സ്റ്റുഡിയോസ് ട്വിറ്ററിലൂടെ അറിയിച്ചു.
അനിരുദ്ധ് രവിചന്ദ്രനാണ് ഇരു ചിത്രങ്ങളിലും സംഗീതം നൽകിയിരിക്കുന്നത്.ശിവയാണ് ‘വിവേകം’ സംവിധാനം ചെയുന്നത്.
അജിത്തും ശിവയും ഒന്നിക്കുന്ന മൂന്നാമത്തെ ചിത്രമാണ് ‘വിവേകം’. വേതാളം, വീരം എന്നീ ചിത്രങ്ങളാണ് ഇരുവരും ഒന്നിച്ചിട്ടുള്ളത്.
മോഹൻ രാജ സംവിധാനം ചെയ്യുന്ന ‘വേലൈക്കാരനില്‍’ ഫഹദ് ഫാസിൽ പ്രധാനകഥാപാത്രമായി എത്തുന്നു.ഫഹദിന്റെ ആദ്യ തമിഴ് ചിത്രമാണിത്.
സ്നേഹ, പ്രകാശ് രാജ്, തമ്പി രാമയ്യ, ആർ.ജെ. ബാലാജി, രോഹിണി തുടങ്ങിയവരും ചിത്രത്തിൽ അഭിനയിക്കുന്നുണ്ട്.
