തളിപ്പറമ്പ്: പ്രതിപക്ഷ നേതാവ് വി.എസ്.അച്യുതാനന്ദനെതിരേ എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന് വീണ്ടും രംഗത്ത്. ഈ പ്രായത്തില്‍ തനിക്ക് നിക്കറിടിപ്പിച്ച്‌ തരാന്‍ വി.എസിന് കഴിയുമോയെന്ന് വെള്ളാപ്പള്ളി ചോദിച്ചു.
സമത്വ മുന്നേറ്റ യാത്ര തിരുവനന്തപുരം ആറ്റിങ്ങലില്‍ എത്തുമ്പോള്‍ വെള്ളാപ്പള്ളിയുടെ വേഷം കാക്കി നിക്കറും വെള്ള ബനിയനും ആകുമെന്ന് വി.എസ് പറഞ്ഞിരുന്നു. ഇതിനുള്ള മറുപടിയാണ് വെള്ളാപ്പള്ളിയുടെ പ്രസ്താവന.
എസ്എന്‍ഡിപി ട്രസ്റ്റിനു കീഴിലെ സ്ഥാപനങ്ങളുടെ കണക്ക് ആവശ്യപ്പെടുന്ന വി.എസ്, എന്തുകൊണ്ടാണ് എന്‍.എസ്.എസിനോട് കണക്ക് ചോദിക്കാത്തത് എന്നും വെള്ളാപ്പള്ളി ചോദിച്ചു.
പാര്‍ട്ടിയില്‍ ഉറങ്ങിക്കിടന്ന വി.എസിനെ താനാണ് ഉണര്‍ത്തി പാര്‍ട്ടിയില്‍ ഒന്നാമനാക്കിയത്. ആ വി.എസാണ് ഇപ്പോള്‍ തനിക്കെതിരെ വിമര്‍ശനവുമായി ഇറങ്ങിയിരിക്കുന്നത്. തന്നെ വിമര്‍ശിക്കുന്നതിലൂടെ വി.എസിന് പാര്‍ട്ടിയില്‍ പ്രമോഷന്‍ കിട്ടിയിരിക്കുകയാണ്. സ്വന്തം കാര്യസാദ്ധ്യത്തിന് വേണ്ടി എന്തും പറയുന്ന ആളാണ് അച്യുതാനന്ദനെന്നും വെള്ളാപ്പള്ളി പറഞ്ഞു.
