മലപ്പുറം : വേങ്ങര ഉപതിരഞ്ഞെടുപ്പ് സ്ഥാനാര്‍ത്ഥിയെ തീരുമാനിക്കാനുള്ള സി പി എമ്മിന്റെ സംസ്ഥാന സെക്രട്ടറിയേറ്റ് യോഗം ഇന്ന് ചേരും.
രാവിലെ പതിനൊന്നു മുതല്‍ തിരുവനന്തപുരം എകെജി സെന്ററില്‍ ആണ് യോഗം ചേരുന്നത്.
പി പി ബഷീറിനെ സ്ഥാനാര്‍ത്ഥിയാക്കണമെന്ന മലപ്പുറം ജില്ലാ സെക്രട്ടറിയേറ്റിന്റെ ശുപാര്‍ശ സംസ്ഥാന സെക്രട്ടറിയേറ്റ് ഇന്ന് അംഗീകരിച്ചേക്കും.
യോഗത്തിന് ശേഷം കോടിയേരി ബാലകൃഷ്ണന്‍ ഔദ്യോഗികമായി സ്ഥാനാര്‍ത്ഥിയെ പ്രഖ്യാപിക്കുമെന്നാണ് സൂചന.
