ബോളിവുഡ് നടന്‍ വിക്കി കൗശല്‍ കൊവിഡ് മുക്തനായി. താന്‍ കൊവിഡ് നെഗറ്റീവായെന്ന സന്തോഷ വാര്‍ത്ത താരം തന്നെയാണ് സമൂഹമാധ്യമങ്ങളിലൂടെ ആരാധകരുമായി പങ്കുവച്ചത്.
കഴിഞ്ഞ ദിവസമാണ് നടന്‍ രോഗമുക്തി നേടിയത്. വേഗത്തില്‍ സുഖം പ്രാപിക്കാന്‍ ആശംസയറിയിച്ചവര്‍ക്കും പ്രാര്‍ഥിച്ചവര്‍ക്കും നന്ദി അറിയിക്കുന്നതായും താരം ഇന്‍സ്റ്റാഗ്രാമില്‍ പറഞ്ഞു.
ഈ മാസം അഞ്ചിനാണ് ബോളിവുഡ് യുവതാരത്തിന് കൊവിഡ് സ്ഥിരീകരിച്ചത്. നടി ഭൂമി പഡ്‌നേക്കറിന് കൊവിഡ് പോസിറ്റീവെന്ന് കണ്ടെത്തിയതിന് പിന്നാലെയാണ് വിക്കി കൗശലിനും വൈറസ് ബാധ സ്ഥിരീകരിച്ചത്.
എന്നാല്‍, ഭൂമി പഡ്‌നേക്കറിന് കൊവിഡ് ഭേദമായിട്ടില്ല. ധര്‍മ പ്രൊഡക്ഷന്‍സ് നിര്‍മിക്കുന്ന മിസ്റ്റര്‍ ലേലേയുടെ ഷൂട്ടിങ്ങിനിടെയാണ് ഇരുവരും കൊവിഡ് ബാധിതരായത്.
