വിക്കി കൗശല്‍ അഭിനയിക്കുന്ന പുതിയ ചിത്രമാണ് സര്‍ദാര്‍ ഉദ്ധം. വിക്കി ചിത്രത്തില്‍ സര്‍ദാര്‍ ഉദ്ധം സിംഗായാണ് എത്തുന്നത്. ആരാധകര്‍ക്കുള്ള ഒരു നിരാശ വാര്‍ത്തയാണ് ഇപ്പോള്‍ പുറത്തുവരുന്നത്. നേരത്തെ ഒക്ടോബര്‍ രണ്ടിനായിരുന്നു ചിത്രത്തിന്റെ റിലീസ് തീരുമാനിച്ചത്. എന്നാല്‍ ചിത്രം അടുത്ത വര്‍ഷം ജനുവരി 15ന് തിയറ്ററില്‍ എത്തും എന്നാണ് ഇപ്പോള്‍ പുറത്തുവിരുന്ന വാര്‍ത്ത.
ഷൂജിത് സിര്‍കാര്‍ സംവിധാനം ചെയ്യുന്ന ചിത്രത്തില്‍ ചിരഞ്ജീവിയും ഒരു പ്രധാന കഥാപാത്രമായി വേഷമിടുന്നുണ്ട്. 1919ലെ ക്രൂരമായ ജാലിയന്‍വാലാബാഗ് കൂട്ടക്കൊലയെ ന്യായീകരിച്ച മൈക്കിള്‍ ഒ ഡ്വിയറെ വെടിവെച്ച് കൊന്നയാളാണ് ഉദ്ധം സിംഗ്. ചിത്രത്തിലെ വിക്കി കൗശലിന്റെ ലുക്ക് നേരത്തെ പുറത്തുവിട്ടപ്പോള്‍ ആരാധകര്‍ക്കിടയില്‍ വലിയ ചര്‍ച്ചയായിരുന്നു.
