സൂപ്പര്‍സ്റ്റാര്‍ രജനീകാന്ത് ചിത്രം പേട്ടയിലെ മരണമാസ് ഗാനം പുറത്തുവിട്ടതിനു ശേഷം വിജയ് സേതുപതിയുടെ ക്യാരക്ടര്‍ പോസ്റ്ററും പുറത്തുവിട്ടു. ജിത്തു എന്ന കഥാപാത്രമായാണ് വിജയ് സേതുപതി വേഷമിടുന്നത്. കൈയില്‍ ഒരു തോക്കുമായി നില്‍ക്കുന്ന വിജയ് സേതുപതിയെയാണ് പോസ്റ്ററില്‍ കാണുന്നത്. ചിത്രത്തിലെ വില്ലനാകും അദ്ദേഹമെന്നും അഭ്യൂഹങ്ങളുണ്ട്.
നേരത്തെ, സിമ്രാനും രജനീകാന്തും ഒന്നിച്ചുള്ള പോസ്റ്റര്‍ അണിയറ പ്രവര്‍ത്തകര്‍ പുറത്തുവിട്ടിരുന്നു. ആദ്യമായാണ് തൃഷ, സിമ്രാന്‍, വിജയ് സേതുപതി എന്നിവര്‍ രജനീകാന്തിനൊപ്പം അഭിനയിക്കുന്നത്.
.@VijaySethuOffl as #Jithu#PettaCharacterPoster@rajinikanth @karthiksubbaraj @anirudhofficial @Nawazuddin_S @SimranbaggaOffc @trishtrashers @SasikumarDir pic.twitter.com/q8bqZNHERo
— Sun Pictures (@sunpictures) December 4, 2018
മാളവിക മോഹനന്‍, മേഘ ആകാശ്, ബോബി സിംഹ എന്നിവരും പേട്ടയില്‍ പ്രധാന വേഷങ്ങളിലെത്തുന്നുണ്ട്. ബോളിവുഡ് നടന്‍ നവാസുദ്ദീന്‍ സിദ്ദിഖിയും വിജയ് സേതുപതിയും പ്രധാന വേഷം കൈകാര്യം ചെയ്യുന്നുണ്ട്. അനിരുദ്ധ് രവിചന്ദറാണ് സംഗീതം. ചിത്രത്തിന്റെ പോസ്റ്റ് പ്രൊഡക്ഷന്‍ വര്‍ക്കുകള്‍ നടക്കുകയാണ്. ചിത്രം പൊങ്കല്‍ റിലീസായി തിയേറ്ററുകളിലെത്തും.
