ലാ ലീഗയില്‍ തകര്‍പ്പന്‍ വിജയം സ്വന്തമാക്കി റയല്‍ മാഡ്രിഡ്. ഇന്ന് നടന്ന എവേ മത്സരത്തില്‍ ലാസ് പാമോസിനെയാണ് ലോസ് ബ്ലാങ്കോസ് പരാജയപ്പെടുത്തിയത്. ഒന്നിനെതിരെ രണ്ട് ഗോളുകള്‍ക്കായിരുന്നു റയലിന്റെ വിജയം.
മത്സരത്തിന്റെ 65-ാം മിനിറ്റില്‍ വിനീഷ്യസ് ജൂനിയറിലൂടെ റയല്‍ നിര്‍ണായക സമനില ഗോള്‍ നേടി. കാമവിംഗയുടെ അസിസ്റ്റില്‍ നിന്നായിരുന്നു വിനീഷ്യസിന്റെ ഗോള്‍. 84-ാം മിനിറ്റില്‍ കോര്‍ണര്‍ കിക്കില്‍ നിന്ന് മാഡ്രിഡ് മുന്നിലെത്തി. ക്രൂസിന്റെ കോര്‍ണറില്‍ നിന്ന് ഓറീലിയന്‍ ചൗമേനി നേടിയ ഗോള്‍ റയലിന്റെ വിജയഗോളായി മാറുകയും ചെയ്തു.
