മെല്‍ബണ്‍: കളിക്കളത്തിലെത്തിയാല്‍ ഏത് തീപാറുന്ന ബൗളറെയും പുഷ്പം പോലെ കൈകാര്യം ചെയ്യുന്ന സൂപ്പര്‍മാനാണ് ഇന്ത്യന്‍ നായകന്‍ കിംങ് കോഹ്ലി. എന്നാല്‍ പല തീ പാറുന്ന ബൗളിംഗുകളും നേരിട്ടിട്ടുണ്ടെങ്കിലും ഒരു ഇന്ത്യന്‍ ബൗളറെ ടെസ്റ്റില്‍ നേരിടാന്‍ തനിക്ക് ആഗ്രഹമില്ലെന്ന് തുറന്ന് പറഞ്ഞിരിക്കുകയാണ് കോഹ്ലി ഇപ്പോള്‍.
മറ്റാരെയും കുറിച്ചല്ല കൊഹ്‌ലി പറഞ്ഞത് മെല്‍ണില്‍ തകര്‍പ്പന്‍ പോരാട്ടം കാഴ്ച വെച്ച ജസ്പ്രീത് ബൂംമ്രയെയാണ് കൊഹ്‌ലി ഉദ്ദേശിച്ചത്.
‘സത്യസന്ധമായി പറഞ്ഞാല്‍ ടെസ്റ്റ് ക്രിക്കറ്റില്‍ ജസ്പ്രീത് ബൂംമ്രയെ നേരിടാന്‍ ഞാനും ആഗ്രഹിക്കുന്നില്ല. പ്രത്യേകിച്ച് പെര്‍ത്തിലേതുപോലുള്ള പിച്ചില്‍. കാരണം തുടങ്ങിക്കഴിഞ്ഞാല്‍ ബൂംമ്ര നിങ്ങളെ വട്ടം കറക്കും. പന്തെറിയുമ്പോള്‍ പിച്ചിനെക്കുറിച്ചോ സാഹചര്യത്തെക്കുറിച്ചോ ബൂംമ്ര ചിന്തിക്കാറില്ല. ടീമിനായി എങ്ങനെ വിക്കറ്റ് നേടാം എന്നത് മാത്രമാണ് അയാളുടെ ലക്ഷ്യം. സമീപകാലത്ത് താന്‍ കണ്ടതില്‍വെച്ച് മാനസികമായി ഏറ്റവും കരുത്തനായ വ്യക്തിയാണ് ബൂംമ്ര’- കൊഹ്‌ലി വ്യക്തമാക്കി.
