ന്യൂഡല്‍ഹി: ശ്രീലങ്കയ്‌ക്കെതിരായ മൂന്നു മല്‍സര ട്വന്റി20 പരമ്പരയ്ക്കുള്ള ഇന്ത്യന്‍ ടീമിനെ ബിസിസിഐ പ്രഖ്യാപിച്ചു. ഓസ്‌ട്രേലിയയില്‍ മിന്നും പ്രകടനം പുറത്തെടുത്ത വിരാട് കോഹ്‌ലിക്കു വിശ്രമം അനുവദിച്ചു. 15 അംഗ ടീമിനെ എം.എസ്. ധോണി നയിക്കും. ലെഫ്റ്റ് ആം സ്പിന്നര്‍ പവന്‍ നേഗി പുതുമുഖം.
ഈ മാസം ഒന്‍പത്, 12, 14 തീയതികളിലാണു മല്‍സരങ്ങള്‍. ടീം: എം.എസ്. ധോണി (നായകന്‍), രോഹിത് ശര്‍മ, ശിഖര്‍ ധവാന്‍, അജിങ്ക്യ രഹാനെ, മനീഷ് പാണ്ഡെ, സുരേഷ് റെയ്‌ന, യുവരാജ് സിങ്, ഹാര്‍ദിക് പാണ്ഡ്യ, രവീന്ദ്ര ജഡേജ, രവിചന്ദ്രന്‍ അശ്വിന്‍, ജസ്പ്രീത് ബുംമ്ര, ആശിഷ് നെഹ്‌റ, ഹര്‍ഭജന്‍ സിങ്, ഭുവനേശ്വര്‍ കുമാര്‍, പവന്‍ നേഗി.
