സംഗീത റിയാലിറ്റി ഷോയിലൂടെ പ്രേക്ഷകരുടെ മനം കവര്‍ന്ന മലയാളി താരം ഗായകന്‍ വൈഷ്ണവ് ഗിരീഷിന് സ്വപ്നസാഫല്യം.
ഇന്ത്യയുടെ സംഗീത ഇതിഹാസം എ.ആർ.റഹ്മാനൊപ്പം പാടാൻ അവസരം ലഭിച്ചിരിക്കുകയാണ് വൈഷ്ണവിന്.
തെണ്ടല്‍ ഫിലിംസിന്റെ നൂറാമത്തെ ചിത്രമായ മെര്‍സലിന്റെ പ്രചാരണാര്‍ത്ഥം സംഘടിപ്പിക്കുന്ന പരിപാടിയിലാണ് വൈഷ്ണവ് റഹ്മാനൊപ്പം വേദി പങ്കിടുന്നത്.
തെന്നിന്ത്യയുടെ ഇളയ ദളപതി വിജയും പരിപാടിയിൽ പങ്കെടുക്കുന്നുണ്ട്. ഈ മാസം 20ന് ചെന്നൈ നെഹ്റു ഇൻഡോർ സ്റ്റേഡിയത്തിലാണ് സംഗീതവിരുന്ന് നടക്കുക.
സംഗീതലോകത്ത് കാൽനൂറ്റാണ്ട് പിന്നിടുന്ന റഹ്മാനെയും ചലച്ചിത്രലോകത്ത് കാൽനൂറ്റാണ്ട് പിന്നിടുന്ന വിജയ്‍യെയും ആദരിക്കുന്ന ചടങ്ങ് കൂടിയാണിത്.
