മലയാളസിനിമ ചരിത്രത്തിൽ തന്നെ ഇതാദ്യമായാണ് 15000 വിദ്യാർത്ഥികൾ അഭിനയിച്ച ഒരു ഗാനം എത്തുന്നത്.
വിശ്വവിഖ്യാതരായ പയ്യന്മാരിലെ പുതിയ ഗാനമാണ് ഈ നേട്ടം നേടിയിരിക്കുന്നത്.
ദീപക് പറമ്പോല്‍ പ്രധാന കഥാപാത്രത്തെ അവതരിപ്പിക്കുന്ന ചിത്രമാണ് വിശ്വവിഖ്യാതരായ പയ്യന്‍മാര്‍.
ഒക്ടോബർ 27ന് തിയേറ്ററുകളിൽ എത്തുന്ന ചിത്രം രാജേഷ് കണ്ണങ്കരയാണ് സംവിധാനം ചെയ്യുന്നത്.
വി ദിലീപിന്റെ കഥയ്ക്ക് തിരക്കഥയും സംഭാഷണവും രചിച്ചിരിക്കുന്നത് സംവിധായകന്‍ തന്നെയാണ്.
അജു വര്‍ഗീസ്, ഹരീഷ് കണാരന്‍, സുധി കോപ്പ, മനോജ് കെ ജയന്‍, ദേവന്‍ തുടങ്ങിയവരും സിനിമയില്‍ അഭിനയിക്കുന്നു.
