വിവോയുടെ ഇസഡ് സീരീസിന് കീഴില്‍ വരുന്ന വിവോ Z5i സ്മാര്‍ട്ട്‌ഫോണ്‍ ചൈനയില്‍ അവതരിപ്പിച്ചു. വിവോ യു 3 ന് സമാനമായ സവിശേഷതകളാണ് ഈ സ്മാര്‍ട്‌ഫോണിലുള്ളത്. ജേഡ് ബ്ലൂ, ഫീനിക്‌സ് ബ്ലാക്ക് എന്നീ കളര്‍ ഓപ്ഷനുകളിലാണ് ഈ സ്മാര്‍ട്‌ഫോണ്‍ വിപണിയില്‍ എത്തുക.
6.53 ഇഞ്ച് ഡിസ്പ്ലേ ട്രിപ്പിള്‍ റിയര്‍ ക്യാമറ സജ്ജീകരണം, ക്വാല്‍കോം സ്നാപ്ഡ്രാഗണ്‍ 675 SoC, 5,000mAh ബാറ്ററി എന്നിവയും അവതരിപ്പിച്ച വിവോ Z5i യുടെ സവിശേഷതകളാണ്. 8 ജിബി റാം+128 ജിബി സ്റ്റോറേജുള്ള സ്മാര്‍ട്‌ഫോണാണ് വിവോ അവതരിപ്പിച്ചിരിക്കന്നത്.
ഒരു പ്രത്യേക മൈക്രോ എസ്ഡി കാര്‍ഡ് ഉപയോഗിച്ച് ഇന്റേര്‍നല്‍ സ്റ്റോറേജ് 256 ജിബി വരെ വികസിപ്പിക്കുവാന്‍ സാധിക്കുന്നതാണ്. ഇത് 18W ഫാസ്റ്റ് ചാര്‍ജിംഗ് വാഗ്ദാനം ചെയ്യുന്നു. ഈ പുതിയതായി അവതരിപ്പിച്ച വിവോ Z5i ന്റെ വില ആര്‍എംബി 1,798 (ഏകദേശം 18,300 രൂപ) ആണ്. വിവോ Z5i യുടെ ആഗോള വില്പനയെക്കുറിച്ചുള്ള വിവരങ്ങള്‍ ഇതുവരെ പുറത്തുവിട്ടിട്ടില്ല.
