പുതിയ അഞ്ച് പ്രീപെയ്ഡ് പ്ലാനുകൾ അവതരിപ്പിച്ച് വോഡാഫോൺ.
ഡാറ്റ, ഷോര്‍ട്ട് മെസ്സേജിംഗ് സേവനങ്ങള്‍, അണ്‍ലിമിറ്റഡ് ലോക്കല്‍, എസ്ടിഡി, നാഷണല്‍ റോമിംഗ് കോളുകള്‍ എന്നിവയാണ് പുതിയ ഓഫറിലൂടെ ഉപഭോക്താക്കള്‍ക്ക് ലഭിക്കുക.
84 ദിവസം കാലാവധിയുള്ള പുതിയ ഓഫർ പ്രകാരം 509 രൂപയുടെ പ്ലാന്‍ റീച്ചാര്‍ജ് ചെയ്യുന്നവര്‍ക്ക് പ്രതിദിനം ഒരു ജിബി ഡാറ്റയും 100 സൗജന്യ എസ്‌എംഎസും അണ്‍ലിമിറ്റഡ് ലോക്കല്‍, എസ്ടിഡി, ദേശീയ റോമിംഗ് കോളും ലഭ്യമാകും.
458 രൂപയുടെ പ്ലാനുകള്‍ക്ക് 70 ദിവസത്തെ കാലാവധിയാണുള്ളത്. 347 രൂപയുടെ പ്ലാൻ ഉപയോഗിക്കുന്നവർക്ക് പ്രതിദിനം 1.5 ജിബി ഡാറ്റ 28 ദിവസം കാലാവധിയില്‍ ലഭിക്കും.
കൂടാതെ 199 രൂപയ്ക്ക് 28 ദിവസത്തെ കാലാവധിയും, 79 രൂപയ്ക്ക് ഏഴ് ദിവസത്തെ കാലാവധിയും ലഭിക്കുന്ന ഓഫറുകളും അവതരിപ്പിച്ചു.
മൈ വോഡാഫോൺ ആപ്പ് ഉപയോഗിച്ചും , വോഡഫോൺ സ്റ്റോറുകളിലൂടെയും ഉപയോക്താക്കള്‍ക്ക് പുതിയ ഓഫർ ആക്ടിവേഷൻ ചെയ്യാം.
