കൊച്ചി: മറ്റൊരാള്‍ക്ക് റീച്ചാര്‍ജ് ചെയ്യുന്നതിലൂടെ ക്യാഷ്ബാക്ക് ലഭിക്കുന്ന ഓഫര്‍ അവതരിപ്പിച്ച് വോഡഫോണ്‍. ഒരു ഉപഭോക്താവ് മറ്റൊരു വോഡഫോണ്‍ ഉപഭോക്താവിനായി ഒരു ഓണ്‍ലൈന്‍ റീചാര്‍ജ് നടത്തുകയാണെങ്കില്‍, അയാള്‍ക്ക് 6 ശതമാനം തുക ക്യാഷ്ബാക്കാണ് ലഭിക്കുക.
ഓണ്‍ലൈനില്‍ റീചാര്‍ജ് ചെയ്യാന്‍ കഴിയാത്ത ആളുകള്‍ക്കായി നിങ്ങള്‍ക്ക് റീചാര്‍ജ് ചെയ്യാന്‍ കഴിയും. നിങ്ങള്‍ മൈവോഡഫോണ്‍ ആപ്പ് അല്ലെങ്കില്‍ മൈഐഡിയ ആപ്പ് വഴി നമ്പറുകള്‍ റീചാര്‍ജ് ചെയ്താല്‍ മാത്രമേ ഓഫര്‍ സാധുതയുള്ളൂ. ഇന്റര്‍നെറ്റ് ഇല്ലാത്ത നിരവധി പേര്‍ റീചാര്‍ജ് ചെയ്യാന്‍ ബുദ്ധിമുട്ടുന്നുവെന്ന് മനസ്സിലായതിനെ തുടര്‍ന്നാണ് വോഡാഫോണ്‍- ഐഡിയ ഇത് നടപ്പിലാക്കുന്നത്.
ഒരു ടെലികോം കമ്പനി എന്ന നിലയില്‍, ലോക്ക്ഡൗണ്‍ പോലെയുള്ള അവസ്ഥകളില്‍ ഉപഭോക്താക്കളുമായി തടസ്സമില്ലാത്ത കണക്റ്റിവിറ്റിഉറപ്പാക്കാനുള്ള ശ്രമത്തിന്റെ ഭാഗമാണ് ഈ ഓഫര്‍ എന്നാണ് കമ്പനി പറയുന്നത്. ഈ ഓഫര്‍ 2020 ഏപ്രില്‍ 30 വരെ തുടരും.
