തിരുവനന്തപുരം: കോണ്‍ഗ്രസ് സഖ്യത്തെ സംബന്ധിച്ച് കേന്ദ്രകമ്മിറ്റിയില്‍ സിപിഎം ജനറല്‍ സെക്രട്ടറി സീതാറാം യെച്ചൂരിക്ക് വി.എസ് അച്യുതാനന്ദന്റെ പിന്തുണ.
മതേതരപാര്‍ട്ടികളുടെ സഹകരണം കാലഘട്ടത്തിന്റെ ആവശ്യമാണെന്നും, വര്‍ഗീയ, ഫാസിസ്റ്റ് ശക്തികളെ ചെറുക്കാന്‍ സാധ്യമായ എല്ലാവഴികളും തേടണമെന്നും വി.എസ് വ്യക്തമാക്കി.
മാത്രമല്ല, സി.പി.എം സര്‍ക്കാരുകള്‍ ജാഗ്രത പാലിക്കേണ്ട സമയമാണെന്നും, കോണ്‍ഗ്രസിനോടുളള അന്തരം ജനത്തിന് ബോധ്യപ്പെടണമെന്നും വി.എസ് അച്യുതാനന്ദന്‍ പറഞ്ഞു.
