വാഷിംഗ്ടണ്‍ ഡിസി: അമേരിക്കയിലെ ടെന്നിസിയില്‍ നാലു പേരെ വെടിവച്ചുകൊന്ന കേസിലെ പ്രതി അറസ്റ്റില്‍. ട്രാവിസ് റീന്‍കിംഗ്(29) ആണ് പിടിയിലായത്. ഇയാളുടെ കൈവശമുണ്ടായിരുന്ന ബാഗില്‍ നിന്ന് ഹാന്‍ഡ് ഗണ്ണും തിരകളും കണ്ടെത്തിയിട്ടുണ്ട്.
ഞായറാഴ്ച ടെന്നിസിയിലെ നാഷ് വില്‍ നഗര പ്രാന്തത്തിലെ ആന്റിയോക്കിലെ റസ്റ്ററന്റിലെത്തിയ അക്രമി നാലു പേരെ വെടിവച്ചുകൊല്ലുകയായിരുന്നു. റസ്റ്ററന്റിലുണ്ടായിരുന്ന യുവാവ് യുവാവിനെ കീഴ്‌പ്പെടുത്താന്‍ ശ്രമിച്ചെങ്കിലും വസ്ത്രമൂരിയെറിഞ്ഞ് രക്ഷപ്പെടുകയായിരുന്നു.
അക്രമത്തിനു പിന്നിലെ കാരണം ഇനിയും വ്യക്തമായിട്ടില്ലെന്ന് പോലീസ് വക്താവ് ഡോണ്‍ ആരോണ്‍ പറഞ്ഞു. അക്രമി ചോദ്യം ചെയ്യലിനോട് സഹകരിക്കുന്നില്ലെന്ന് പൊലീസ് അറിയിച്ചു.
