ഡെസ്‌ക്‌ടോപ്പ് ഉപയോക്താക്കൾക്കായി വാട്ട്സ്ആപ്പ് ഒരു ബഗ് ഫിക്സ് അപ്ഡേറ്റ് അവതരിപ്പിച്ചു. വാട്ട്സ്ആപ്പ് ഡെസ്‌ക്‌ടോപ്പ് ഉപയോക്താക്കൾക്ക് പുഷ് നോട്ടിഫിക്കേഷനിൽ നേരിടുന്ന പ്രശ്‌നങ്ങൾ പരിഹരിക്കുന്നതിനാണ് പുതിയ അപ്ഡേറ്റ്. വാട്ട്സ്ആപ്പ് ഡെസ്‌ക്‌ടോപ്പിന്റെ സ്ഥിരതയുള്ള പതിപ്പ് ഉപയോഗിക്കുന്പോൾ പുഷ് അറിയിപ്പുകളിലെ പ്രശ്‌നത്തെക്കുറിച്ച് നിരവധി പരാതി ഉയർന്നിരുന്നു. ഇപ്പോൾ വാട്ട്സ്ആപ്പ് വെബ് ആപ്പിൽ പുതിയ അപ്ഡേറ്റ് ഉപയോഗിച്ച് ഈ പ്രശ്നം പരിഹരിക്കാം.
ധാരാളം ഉപയോക്താക്കൾ വാട്ട്സ്ആപ്പ് ഡെസ്‌ക്‌ടോപ്പിൽ ഒരു പ്രശ്നം നേരിടുന്നു: ഡെസ്‌ക്‌ടോപ്പ് ക്ലയന്റിൽ നിന്ന് പുഷ് നോട്ടിഫിക്കേഷൻ സ്വീകരിക്കാൻ ഉപയോക്താവിന് കഴിഞ്ഞിരുന്നില്ല. നിരവധിപ്പേർ ട്വിറ്ററിലും മറ്റും ഈ പരാതി നിരന്തരം ഉന്നയിച്ചതായി വാട്ട്സ്ആപ്പ് ആപ്പ് ബീറ്റ ഇൻഫോ റിപ്പോർട്ട് ചെയ്യുന്നു.
വാട്ട്സ്ആപ്പ് ഡെസ്‌ക്‌ടോപ്പ് ബീറ്റ 2.2219.2 അപ്‌ഡേറ്റിൽ വാട്ട്സ്ആപ്പ് ഔദ്യോഗികമായി ഈ പ്രശ്നത്തിന് പരിഹാരം അവതരിപ്പിച്ചു, അതിനാൽ ഈ പ്രശ്നം പരിഹരിച്ചതായും, ബീറ്റ ടെസ്റ്റർമാർക്ക് ഇതിനകം തന്നെ നോട്ടിഫിക്കേഷൻ ലഭിക്കാൻ തുടങ്ങിയെന്നുമാണ് റിപ്പോർട്ട്. നിങ്ങൾക്കും ഇതേ പ്രശ്നം അനുഭവപ്പെടുന്നുണ്ടെങ്കിൽ, വാട്ട്സ്ആപ്പ് ഡെസ്‌ക്‌ടോപ്പ് തുറന്ന് ലഭ്യമായ ഏറ്റവും പുതിയ പതിപ്പിലേക്ക് അപ്ഡേറ്റ് ചെയ്യുകയാണ് വേണ്ടത് എന്ന നിർദേശവും വാട്ട്സ്ആപ്പ് നൽകുന്നു.
മറ്റെന്തെങ്കിലും കാരണത്താൽ ഏറ്റവും പുതിയ അപ്ഡേറ്റ് ഉപയോഗിക്കുമ്പോൾ നോട്ടിഫിക്കേഷൻ ഇപ്പോഴും ദൃശ്യമാകുന്നില്ലെങ്കിൽ, ആളുകൾക്ക് ഇനി പ്രശ്നം അനുഭവപ്പെടാത്ത ബീറ്റ പതിപ്പിലേക്ക് മാറുന്നതായിരിക്കും നല്ലത്. ബീറ്റ പ്രോഗ്രാം പുറത്തിറങ്ങിയതിനുശേഷം, ബീറ്റ പതിപ്പിലെ ഗുരുതരമായ ബഗുകളെ കുറിച്ച് ആരും പരാതിപ്പെട്ടിട്ടില്ല, അതിനാൽ ഇത് ഇൻസ്റ്റാൾ ചെയ്യുന്നത് ശരിക്കും സുരക്ഷിതമാണെന്ന് വാട്ട്സ്ആപ്പ് അറിയിക്കുന്നു.
ഇതിനിടയിൽ, ഓട്ടോമാറ്റിക് ആൽബങ്ങൾക്കായുള്ള വിശദമായ പ്രതികരണ വിവരങ്ങളും വാട്ട്സ്ആപ്പ് പുറത്തിറക്കി. ഇത് ബീറ്റാ ടെസ്റ്ററുകൾക്ക് നൽകിയിട്ടുണ്ട്. ആൻഡ്രോയിഡ് ബീറ്റ ടെസ്റ്ററുകൾക്ക് ഇപ്പോൾ ഇത് ലഭിക്കുന്നു, അതേസമയം ഐഒഎസ് ടെസ്റ്ററുകൾക്ക് മുമ്പ് തന്നെ ഇത് ലഭ്യമാണ്.
