മുംബൈ : നടിയും നിര്‍മ്മാതാവുമായ ദിയ മിര്‍സ സിനിമ സംവിധായികയാകാന്‍ ഒരുങ്ങുന്നു. ദിയ തന്നെയാണ് ഇക്കാര്യം വെളിപ്പെടുത്തിയത്. ദിയ സംവിധാനം ചെയ്യുന്ന ചിത്രം അടുത്ത വര്‍ഷം ഉണ്ടാകുമെന്നാണ് വിവരം.
തനിക്ക് ഒരു ചിത്രം സംവിധാനം ചെയ്യാന്‍ ആഗ്രഹമുണ്ടെന്നും ഇതിന് അങ്ങേയറ്റം താത്പര്യമുണ്ടെന്നും ദിയ പറഞ്ഞു. അതിന് തനിക്ക് ഒരുപാട് അനുഭവം ഉണ്ടാകണമെന്നും താന്‍ തുടക്കക്കാരിയുമാണെന്നും ദിയ വ്യക്തമാക്കി.
കാര്യങ്ങള്‍ നല്ല രീതിയില്‍ നടക്കുകയാണെങ്കില്‍ അടുത്ത വര്‍ഷം തന്നെ തന്റെ സംവിധാനത്തില്‍ ചിത്രം പുറത്തു വരുമെന്നും ദിയ പറയുന്നു. ചിത്രത്തിന്റെ തിരക്കഥ പുതിയതായിരിക്കുമെന്നും ദിയ കൂട്ടിച്ചേര്‍ത്തു. എന്നാല്‍ ചിത്രത്തില്‍ അഭിനയിക്കുന്ന കാര്യം തീരുമാനിച്ചിട്ടില്ലെന്ന് ദിയ അറിയിച്ചു.
