ലണ്ടന്‍: സ്പാനിഷ് താരം റാഫേല്‍ നദാല്‍ വിംബിള്‍ഡണ്‍ പ്രീക്വാര്‍ട്ടറില്‍ കടന്നു.
റഷ്യയുടെ കരെന്‍ ഖചനോവയെ പരാജയപ്പെടുത്തിയാണ് നദാല്‍ അവസാന 16-ല്‍ ഇടംപിടിച്ചത്. നേരിട്ടുള്ള സെറ്റുകള്‍ക്കായിരുന്നു വിജയം. ആദ്യ സെറ്റ് 21 മിനിറ്റുകള്‍കൊണ്ട് സ്വന്തമാക്കിയ നദാലിന് അവസാന രണ്ടു സെറ്റുകളിലും കടുത്ത പോരാട്ടമാണ് നേരിടേണ്ടിവന്നത്. മൂന്നാം സെറ്റ് ടൈബ്രേക്കറിലാണ് നദാല്‍ സ്വന്തമാക്കിയത്. സ്‌കോര്‍: 6-1, 6-4, 7-6 (73).
വനിതാ വിഭാഗത്തില്‍ സിമോണ ഹാലപ്പും ബ്രിട്ടന്റെ ജൊഹാന കോണ്ടയും അവസാന 16-ല്‍ കടന്നു. ചൈനയുടെ പെംഗ് ഷുവായിയെ പരാജയപ്പെടുത്തിയാണ് ഹാലപ്പ് പ്രീക്വാര്‍ട്ടറില്‍ പ്രവേശിച്ചത്. നേരിട്ടുള്ള സെറ്റുകള്‍ക്കാണ് ചൈനീസ് താരത്തെ ഹാലപ്പ് വീഴ്ത്തിയത്. സ്‌കോര്‍: 6-4, 7-6 (97).
ഗ്രീസിന്റെ മരിയ സഖരിയയെ പരാജയപ്പെടുത്തിയാണ് ജൊഹാന നാലാം റൗണ്ടില്‍ കടന്നത്. നേരിട്ടുള്ള സെറ്റുകള്‍ക്ക് അനായാസമായിരുന്നു ജൊഹാനയുടെ വിജയം. സ്‌കോര്‍: 6-4, 6-1.
അമേരിക്കയുടെ വീനസ് വില്യംസും നാലാം റൗണ്ടില്‍ പ്രവേശിച്ചു. ജപ്പാന്റെ നവോമി ഒസാക്കയെയാണ് വീനസ് വീഴ്ത്തിയത്. നേരിട്ടുള്ള സെറ്റുകള്‍ക്കായിരുന്നു അമേരിക്കന്‍ വെറ്ററന്‍ താരത്തിന്റെ വിജയം. സ്‌കോര്‍: 7-6, 6-4.
